WELKOM BY ATKV-HARTENBOS
JOU TUISTE LANGS DIE TUINROETE!
Neem asseblief kennis:
Die warm binneswembad word deur Hartenbos Seefront aan ATKV-Hartenbos verhuur. Vanweë strukturele uitdagings aan die dak het Hartenbos Seefront verantwoordelikheid aanvaar vir die vervanging daarvan. Die verwydering van die asbesdak het in September 2025 begin en die installering van ’n nuwe dak is nou voltooi.
Die volgende stap is om by die munisipaliteit aansoek te doen vir toestemming om die swembad vol te tap, gegewe die waterbeperkings wat tans geld. Indien hierdie aansoek suksesvol is, sal verdere werk nodig wees om die gebou, swembad en verhittingstelsel weer in ’n ten volle operasionele toestand te bring. ATKV-Hartenbos sal die warm binneswembad weer vir gaste beskikbaar stel sodra die konstruksiewerk veilig en volledig afgehandel is.
Indien die verdere verloop van die projek volgens plan vorder, word daar tans voorsiening gemaak vir heropening op ’n later stadium in 2026. Die veiligheid van ons gaste bly ten alle tye ons hoogste prioriteit.
Verdere terugvoer oor die vordering van die projek sal gekommunikeer word soos dit beskikbaar raak. Baie dankie vir u begrip en geduld.
Met die see amper rondom jou en die vars kuslug bokant jou, is ATKV-Hartenbos beslis jou antwoord vir die perfekte gesinsvakansie en bied meer as wat ’n vakansieganger se hart kan begeer.
Hartenbos lê op die wêreldbekende Tuinroete tussen Kaapstad en Port Elizabeth, ongeveer 8 km vanaf Mosselbaai en 40 km vanaf die George-lughawe.
Akkommodasie
ATKV-Hartenbos is ’n oop oord wat voel soos ’n dorp. Kies uit ’n verskeidenheid akkommodasie-opsies, insluitend selfsorgwoonstelle en kampeerterreine.
Vermaak
Gaste kan onder meer ’n waterpark, swembaddens, minigholf en vlugbalbane geniet. Daar is ook direkte toegang tot die strand en verskeie doendinge in die omgewing.
