WELKOM BY ATKV-HARTENBOS
JOU TUISTE LANGS DIE TUINROETE!
Neem asseblief kennis:
Die verhitte swembad word deur Hartenbos Seefront aan ATKV-Hartenbos verhuur. Ongelukkig was daar strukturele uitdagings met die dak en Hartenbos Seefront het die verantwoordelikheid geneem om dit te vervang. Die verwydering van die asbesdak het in September 2025 begin en ’n nuwe dak is besig om geïnstalleer te word. As gevolg van wind en ander onvoorsiene uitdagings, sal die werk nie teen die eerste week van Desember 2025 afgehandel wees soos oorspronklik beplan nie.
ATKV-Hartenbos beoog op hierdie stadium om die swembad in Februarie 2026 weer beskikbaar te hê vir gaste, mits die konstruksie verder volgens skedule vorder. Die veiligheid van ons gaste bly ons hoogste prioriteit.
Ons sal nader aan die tyd verdere terugvoer gee oor die vordering van die projek. Baie dankie vir u begrip en geduld.
Akkommodasie
ATKV-Hartenbos bied 'n verskeidenheid akkommodasie-opsies, insluitend selfsorgwoonstelle en 'n woonwapark, wat voorsiening maak vir verskillende gesinsgroottes en -behoeftes.
Vermaak
Gaste kan gebruik maak van 'n waterpark, swembaddens, minigholf en vlugbalbane. Daar is ook direkte toegang tot die strand en verskeie doendinge in die omgewing.
